ജാസി മലയാളചലച്ചിത്ര സംഗീതത്തിനു കിട്ടിയ ഗിഫ്റ്റ്.
മോഹന്‍ ശ്രീശൈലം
നോട്ടിക്കല്‍ ടൈംസ് കേരള.
ഒരു തരം പരുക്കന്‍ അലസ ശബ്ദത്തില്‍ സദസ്സിനെ കൈയ്യിലെടുക്കുന്ന കൗശല വിദ്യ ജാസി ഗിഫ്റ്റിനു മാത്രം സ്വന്തമാണ്. 'ലജ്ജാവതിയേ..' എന്ന ഒറ്റ പാട്ടിലൂടെ ഒരു തരംഗമുയര്‍ത്തിയ ജാസി തിരുവനന്തപുരം അരുവിക്കര സ്വദേശിയാണ്. കേരള സര്‍വകലാശാലയില്‍ അസിസ്റ്റന്റ് രജിസ്ട്രാറായി വിരമിച്ച ഗിഫ്റ്റ് ഇസ്രായേലിന്റെയും രാജമ്മയുടെയും മകനാണ് ജാസി. പിതാവിന്റെ പിതാവ് എന്‍ എ ഐസ്സക്ക് പാസ്റ്ററും സംഗീത സംവിധായകനും ആയിരുന്നു.അതു കൊണ്ട് തന്നെ നന്നേ ചെറുപ്പത്തിലേ ജാസിയുടെ മനസ്സില്‍ പാശ്ചാത്യ സംഗീതം ഉണ്ടായിരുന്നു. ഫ്രെഡി മെര്‍ക്കുറി, റെഗേ സംഗീതജ്ഞനായ ബോബ് മെര്‍ലി എന്നിവരുടെ സംഗീതത്തെ പ്രണയിച്ച ജാസി മുക്കോല സെന്റ് തോമസ് സ്‌കൂള്‍, മാര്‍ ഇവാനിയോസ് കോളേജ്, യുണിവേഴ്‌സിറ്റി കോളേജ് എന്നിവിടങ്ങളിലാണ് വിദ്യാഭ്യാസം പൂര്‍ത്തിയാക്കിയത്. വിദ്യാര്‍ത്ഥിയായിരിക്കെ ദേശിയ യുവജനോത്സവത്തില്‍ ഉള്‍പ്പെടെ പാശ്ചാത്യ സംഗീതത്തിന് സമ്മാനങ്ങള്‍ നേടിയിരുന്നു.പില്‍ക്കാലത്ത് തിരുവനന്തപുരത്തെ ഒരു പാശ്ചാത്യ സംഗീത ട്രൂപ്പുമായി ചേര്‍ന്ന് പ്രവര്‍ത്തിച്ചുതുടങ്ങി. ഹോട്ടല്‍ സൗത്ത് പാര്‍ക്ക്, കോവളത്തെ ഐ.ടി.ഡി.സി ഹോട്ടല്‍ എന്നിവിടങ്ങളില്‍ പതിവായി പാശ്ചാത്യ സംഗീത പരിപാടികള്‍ അവതരിപ്പിച്ചിരുന്നു. സൂര്യാ ടി.വി സംപ്രേഷണം ചെയ്ത ‘സൂന സൂന’ എന്ന ആല്‍ബത്തിലൂടെയാണ് ജാസിയുടെ സംഗീതം ആദ്യമായി ദൃശ്യ മാധ്യമരംഗത്ത് എത്തിയത്.അത് പകുതി ഹിന്ദിയും പകുതി മലയാളവും ആയിരുന്നു.സംവിധായകന്‍ ജയരാജിന്റെ സഹോദരന്‍ മഹേഷ് ആ പാട്ട് കേട്ട് ജാസി ഗിഫ്റ്റിനെ പറ്റി ജയരാജിനോട് പറഞ്ഞു.അങ്ങനെ ജയരാജിന്റെ ഹിന്ദി ചിത്രമായ ബീഭത്സയിലൂടെ ചലച്ചിത്ര സംഗീത സംവിധാന രംഗത്ത് അരങ്ങേറ്റം കുറിച്ചു. തുടര്‍ന്ന് ബാലചന്ദ്ര മേനോന്റെ സഫലം എന്ന ചിത്രത്തിലും സംഗീതമൊരുക്കിയെങ്കിലും ശ്രദ്ധിക്കപ്പെട്ടില്ല. പിന്നെയാണു ഫോര്‍ ദ പീപ്പിള്‍ ഇറങ്ങിയത്. സംഗീത സംവിധായകനും ഗായകനുമെന്ന നിലിയില്‍ ജാസിയുടെ കരിയറില്‍ ആ സിനിമ ഒരു വഴിത്തിരിവായി. സാങ്കേതിക കാരണങ്ങള്‍ മൂലം ചിത്രത്തിന്റെ റിലീസ് വൈകിയെങ്കിലും റഗേ സംഗീത്തിന്റെ ചുവടുപിടിച്ച് ചിട്ടപ്പെടുത്തിയ ലജ്ജാവതിയേ… എന്ന ഗാനം വന്‍ തരംഗമായി മാറി. എത്തിനോ പോപ് വിഭാഗത്തില്‍ പെടുത്താവുന്ന വേറിട്ട സംഗീതവും പുതുമയുള്ള ശബ്ദവുമായിരുന്നു പാട്ടിന്റെ സവിശേഷത.കാസറ്റ് വില്പനയില്‍ ഇന്‍ഡ്യയിലെ സര്‍വകാല റെക്കോഡായിരുന്നു ലജ്ജാവതിയുടേത് .കന്നഡയില്‍ ലജ്ജാവതിയേ ഹിറ്റ് ആയപ്പോള്‍ തുടര്‍ച്ചയായി 3 ഹിറ്റുകള്‍ ഉണ്ടായി. കസെറ്റുകള്‍ നന്നായി വിറ്റഴിഞ്ഞ് പോയി. സാമ്പത്തികമായി നല്ല നേട്ടം ഉണ്ടാക്കിയത് കന്നഡ ആണെന്ന് ജാസി പറയുന്നു. മലയാളത്തിനു പുറമേ ജാസിയുടെ പാട്ടുകളും സംഗീതവും തമിഴിലും തെലുങ്കിലുമൊക്കെ വന്നിട്ടുണ്ടെങ്കിലും ഏറ്റവും കൂടുതല്‍ ഉപയോഗിച്ചതും കന്നഡ സിനിമ തന്നെയാണ്.
സംഗീതത്തില്‍ ‘ദ ഫിലോസഫി ഓഫ് ഹാര്‍മണി ആന്‍ഡ് ബ്ലിസ് വിത്ത് റഫറന്‍സ് ടൂ അദ്വൈദ ആന്‍ഡ് ബുദ്ധിസം’ എന്ന വിഷയത്തിലാണ് ജാസി ഗിഫ്റ്റ് ഗവേഷണം പൂര്‍ത്തിയാക്കിയത്. കണ്ണൂര്‍ സര്‍വകലാശാലയിലെ ഡോ. രാമകൃഷ്ണനായിരുന്നു ജാസിഗിഫിറ്റിന്റെ ഗവേഷകമാര്‍ഗദര്‍ശി.
അദ്ദേഹം ഇളയരാജയെ ആരാധിക്കുകയും ഫ്രെഡി മെര്‍ക്കുറിയുടെ ആരാധകനുമായിരുന്നു . ചെറുപ്പം മുതലേ പാശ്ചാത്യ പിയാനോയില്‍ പാഠങ്ങളുണ്ടായിരുന്ന അദ്ദേഹം പ്രാദേശിക ബാന്‍ഡുകളില്‍ പാടാനും കീബോര്‍ഡ് വായിക്കാനും തുടങ്ങി. മോബി ഡിക്ക് ബാന്‍ഡിന്റെ ഗായകനും കീബോര്‍ഡ് പ്ലെയറുമാണ്.
സംവിധായകന്‍ ജയരാജിന്റെ മാര്‍ഗനിര്‍ദേശപ്രകാരം ചലച്ചിത്രഗാനരംഗത്തേക്ക് കടന്നുവന്നു . സിനിമയില്‍ പ്രവേശിക്കുന്നതിന് മുമ്പ് അദ്ദേഹം ഹിറ്റ് ആല്‍ബം സൂന സൂന ഉള്‍പ്പെടെ മലയാളത്തിലെ രണ്ട് ആല്‍ബങ്ങള്‍ക്ക് ഗാനങ്ങള്‍ രചിച്ചു , കൂടാതെ ജിംഗിള്‍സ് രചിക്കുകയും ചെയ്തു. ഇന്ത്യന്‍ രാഗങ്ങളുടെ പിന്‍ബലത്തോടെ മലയാള സംഗീത വ്യവസായത്തില്‍ റെഗ്ഗെ ഫ്യൂഷന്‍ സംഗീതത്തിന്റെ ഉപയോഗത്തിന് അദ്ദേഹം തുടക്കമിട്ടു . സഫലം എന്ന ചിത്രത്തിനായിരുന്നു ഗിഫ്റ്റിന്റെ ആദ്യ ചലച്ചിത്ര രചന . 4 ദ പീപ്പിള്‍ എന്ന ചിത്രത്തിന് വേണ്ടി അദ്ദേഹം എഴുതിയ ഗാനങ്ങള്‍ കേരളത്തില്‍ ഹിറ്റായി , പ്രത്യേകിച്ച് ‘ലജ്ജാവതിയെ’, അദ്ദേഹത്തിന്റെ സംഗീതം 2004-ലെ ഏറ്റവും വലിയ മലയാള ചിത്രമായി മാറിയ ചിത്രത്തിന്റെ വിജയത്തിന് കാരണമായി. ഈ ചിത്രം പിന്നീട് തമിഴിലേക്കും തെലുങ്കില്‍ മല്ലിശ്വരിവെ എന്ന പേരിലും പുനര്‍നിര്‍മ്മിക്കപ്പെട്ടു ഈ ഗാനം എല്ലാ ഭാഷകളിലും വിജയിച്ചു.നിരവധി മെലഡി ഗാനങ്ങള്‍ പിന്നീട് ജാസിയുടെ സംഗീതത്തില്‍ പിറന്നു..സ്‌നേഹത്തുമ്പി..ഞാനില്ലേ കൂടെ.. അതിലൊന്നുമാത്രം.
റെയിന്‍ , റെയിന്‍ കം എഗെയ്ന്‍ , എന്ന ആല്‍ബത്തില്‍ ഗിഫ്റ്റ് ഇന്ത്യന്‍, പാശ്ചാത്യ സംഗീതം കലര്‍ത്തി , കൂടാതെ കന്നഡ ചിത്രമായ ഹുഡുഗാതയിലെ സംഗീതവും ‘എനോ ഒന്താര’, ‘മന്ദാകിനിയേ’, ‘ഓമ്മോമ്മേ ഹീഗു’ എന്നീ ഗാനങ്ങളും. ഹാരിസ് ജയരാജ് , ദേവിശ്രീ പ്രസാദ് , യുവന്‍ ശങ്കര്‍ രാജ , എം എം കീരവാണി , അനിരുദ്ധ് രവിചന്ദര്‍ തുടങ്ങിയ നിരവധി ദക്ഷിണേന്ത്യന്‍ സംഗീതജ്ഞര്‍ക്കൊപ്പം അദ്ദേഹം പ്രവര്‍ത്തിച്ചിട്ടുണ്ട് , കൂടാതെ ദക്ഷിണേന്ത്യയിലെ നിരവധി സംഗീത സംവിധായകരുമായി സഹകരിച്ചു. ശ്രേയാ ഘോഷാലും സോനു നിഗവും ചേര്‍ന്ന് പാടിയ സഞ്ജു വെഡ്‌സ് ഗീത എന്ന ചിത്രത്തിലെ ഗാനങ്ങള്‍ അദ്ദേഹം രചിച്ചു .
ജാസി ഗിഫ്റ്റ് തിരുവനന്തപുരത്തെ യൂണിവേഴ്‌സിറ്റി കോളേജില്‍ നിന്ന് തത്ത്വചിന്തയില്‍ ബിരുദാനന്തര ബിരുദവും ‘അദ്വൈതവും ബുദ്ധമതവും പരാമര്‍ശിച്ചുകൊണ്ട് സമന്വയത്തിന്റെയും ആനന്ദത്തിന്റെയും തത്വശാസ്ത്രം’ എന്ന വിഷയത്തില്‍ കണ്ണൂര്‍ സര്‍വകലാശാലയില്‍ നിന്ന് ഫിലോസഫിയില്‍ പിഎച്ച്ഡിയും നേടിയിട്ടുണ്ട്.
2012 സെപ്റ്റംബര്‍ 12-ന് കണ്ണൂര്‍ സര്‍വകലാശാലയില്‍ നിന്ന് ഇന്‍ഫര്‍മേഷന്‍ ടെക്നോളജി/ഫിസിക്സില്‍ പിഎച്ച്ഡി നേടിയ ഡോ.അതുല്യയെ ജാസി വിവാഹം കഴിച്ചു. 2021 ഡിസംബര്‍ 24-ന് ജാസി ഗിഫ്റ്റ് ക്രിസ്ത്യന്‍ മതപരിവര്‍ത്തനത്തിനുള്ള കേരള സംസ്ഥാന വികസന കോര്‍പ്പറേഷന്റെ ചെയര്‍മാനായി നിയമിതയായി.
